कोहलपुर - बालिका शिक्षामा काम गर्दै आएकाे रूम टु रिडले बाँकेकाे काेहलपुर नगरपालिकामा अब जीवन उपयोगी सीप शिक्षामा जाेड दिएर काम गर्ने भएकाे छ ।
रूम टु रिडले आफ्नाे संस्थाको आगामी रणनीतिबारे काेहलपुर नगरपालिका सँग विहीबार छलफल गर्दै यस्ताे जानकारी गराएकाे हाे ।
मेयर लुटबहादुर रावतको अध्यक्षतामा भएकाे कार्यक्रममा रूम टु रिडकाे बालिका शिक्षा कार्यक्रमका सिनियर अफिसर सुष्मा राईले जीवन उपयोगी सीप शिक्षाको मोडल तथा आगामी रणनीतिबारे जानकारी गराउनु भएकाे थियाे । स्थानीय सरकारसँगको साझेदारीमा थप ३० प्रतिशत विद्यालयहरूमा बालिका शिक्षा कार्यक्रम विस्तार हुने, कार्यक्रममा बालकको सहभागिता गराइने र लैंगिक समानतामा आधारित हुने आगामी रणनीति रहेको राईले बताउनु भयो ।
कार्यक्रममा नगर बाल सञ्जालका अध्यक्ष रमेश ओडले बाल क्लब मार्फत जीवन उपयोगी सीप शिक्षालाई अगाडि बढाउन उत्सुक रहेको बताउनु भयो । नगर शिक्षा शाखा प्रमुख रविलाल मिजारले जीवन उपयोगी सीप शिक्षा हरेक मानिसको जीवनमा अपरिहार्य रहेको बताउनु भयो ।
यस्तै सामाजिक विकास समितिका संयोजक नारायणी वलीले बालिका शिक्षा कार्यक्रम मार्फत जीवन उपयोगी सीप तालिममा भाग लिएका बालिकाहरूले सिकेको सीप अभ्यासमा ल्याएको पाइएको बताउनु भयाे ।
प्रमुख प्रशासकीय अधिकृत टोपेन्द्रबहादुर केसीले रूम टु रिडको कार्यक्रमले सहस्राब्दी विकास लक्ष्य हासिल गर्नमा पनि योगदान पुग्ने बताउनु भयो ।
कार्यक्रममा मेयर लुटबहादुर रावतले जीवन उपयोगी सीप शिक्षालाई पाठ्यक्रममा समावेश गरेर स्थायित्वका लागि शिक्षकलाई शिक्षण विधि तालिम दिनु पर्ने सुझाव दिनु भयो । उहाँले नगरपालिकाले आफ्नो कार्यक्रममा समावेश गरेर स्थायित्वकाे पहल गर्ने समेत बताउनु भयाे ।
नेपालमतका कुनै पनि सामग्रीबारे तपाईंको गुनासो, सुझाव र थप जानकारी अथवा नयाँ कुनै सूचना भए हामीलाई info.nepalmat@gmail.com मा इमेल पठाउनु होला।
भक्तपुर - भक्तपुर नगरपालिका वडा नं ६ देकोचा भक्तपुरमा बिहीबार भएको शैक्षिक प्रदर्शनी १५ हजार भन्दा वढीले अवलोकन गरेका छन् । भक्तपुर नगरपालिकाद्धारा सञ्चालित ख्वप माविको २४...
काठमाडौं - चर्चित अभिनेत्री मनिषा कोइरालाले विदेशमा सिकेको सीपलाई देश विकासमा प्रयोग गर्नु पर्ने बताएकी छन् । डिल्लीबजार कन्या बहुमुखी क्याम्पसले शुक्रवार क्याम्पसमा आयोजना गरेको महिला...
नेपालगञ्ज - शिक्षा र सामाजिक सेवाको क्षेत्रमा विशेष योगदान पुर्याउनु भएका स्वर्गिय राजितराम पाठकको स्मृतिमा पुरस्कार स्थापना गरिएको छ । शिक्षा, सामाजिक सेवा र नागरिक समाजको क्षेत्रमा...
नेपालगञ्ज - बाँकेको डुडुवा गाउँपालिकाले पालिका अन्तरगत रहेका ७ वटा विद्यालयमा सिसि क्यामरा जोडेको छ । क्यामराबाट विद्यालय समयमा खुल्ने र बन्द हुने, शिक्षक र विद्यार्थी आउने समय,...
काठमाडौं - विज्ञहरुले इन्जिनियरिङका विद्यार्थीका लागि स्वदेशमै राम्रो स्कोप रहेको अनुभब सुनाएका छन् । उनीहरुले अरु विषयका विद्यार्थी विदेश गए पनि इन्जिनियरिङका विद्यार्थीका लागि त्यो आवश्यक नभएको...