झापा- झापामा जुवाखालबाटै जुवाडे समातिएका छन् ।
जुवा खेलिरहेका बेला ९ जना जुवाडेलाई पक्राउ गरिएको जिल्ला प्रहरी कार्यालय झापाले जनाएको छ ।
झापाको दमकमा पेशेवर ढंगले जुवा खेल्नमा व्यस्त रहेकाहरुलाई पक्राउ गरिएको प्रहरीले जनाएको छ ।
दमक–५ का टेकवहादुर कार्कीको घरको कोठाभित्र जुवातास खेलिरहेको अवस्थामा घरधनी कार्कीका छोरा ४६ वर्षीय टेकवहादुर, स्थानीय ५१ वर्षीय कुशराज खत्री, ५४ वर्षीय सुरेश भण्डारी, ३८ वर्षीय नारायण कडरिया पक्राउ परेका हुन ।
त्यसैगरी, ४१ वर्षीय सूर्य न्यौपाने, वर्ष ४८ का खगेन्द्र भुजेल,४० वर्षीय खगेन्द्र राजवंशी, दमक–८ का २९ वर्षीय प्रदीप थापा र कमल ५ का ३० वर्षीय सुरेश सुव्वा पक्राउ परेको प्रहरीले जनाएको छ ।
प्रकाशित:
Wednesday, November 24, 2021 | 16:42:00 बुधबार, ८ मङ्सिर, २०७८
