काठमाडौं- ४ दिने भ्रमणका क्रममा प्रधानसेनापति प्रभुराम शर्मा भारतको राजधानी नयाँदिल्ली पुग्नु भएको छ ।
पुग्नासाथ भारतमा प्रधानसेनापति शर्मा विभिन्न कार्यक्रममा व्यस्त हुनु भएको छ ।
उहाँले भारतीय सेनाको सलामी ग्रहण गर्नुका साथै शहीदहरुप्रति श्रद्धाञ्जली व्यक्त गर्नु भएको छ ।
भारतीय रक्षा मन्त्रालयका सचिव अजय कुमार, भारतीय चिफ अफ डिफेन्स स्टाफ जनरल विपिन रावत, भारतीय सेनाध्यक्ष जनरल एमएम नरवणे र भारतीय वायु सेनाध्यक्ष एयर चिफ मार्शल भीआर चौधरीसँग मंगलबार नै भेटघाट गर्ने कार्यक्रम रहेको नेपाली सेनाले जनाएको छ ।
प्रधानसेनापति शर्मा मित्रराष्ट्र भारतका स्थल सेनाध्यक्ष जनरल एमएम नरवणेको औपचारिक निमन्त्रणामा ९ सदस्यीय भ्रमण दलसहित मंगलबार बिहान भारत जानु भएको हो ।
प्रकाशित:
Tuesday, November 09, 2021 | 16:34:00 मंगलबार, २३ कार्तिक, २०७८
2023-07-22-04-39-33.jpeg)
2023-07-19-09-06-29.jpeg)
