काठमाडौं- नेपालमा १ सय १० प्रतिशत जनसङ्ख्याको इन्टरनेट सेवामा पहुँच पुुगेको नेपाल दूरसञ्चार प्राधिकरणले जनाएको छ ।
प्राधिकरणले सार्वजनिक गरेको पछिल्लो एमआइएस प्रतिवेदन अनुसार भदौ सम्ममा नेपालका १ सय १० दशमलव ६८ प्रतिशत जनताको पहुँचमा इन्टरनेट सेवा पुगेको छ ।
देशभर २ करोड ९८ लाख ७६ हजार ५ सय ३१ जना रहेको आधारमा गरिएको गणनाले ३ करोड ३४ लाख ५८ हजार ९ सय ८ जनाको पहुँचमा इन्टरनेट सेवा पुगेको देखाएको प्राधिकरणले जाएको छ ।
नेपालमा सबैभन्दा बढी प्रयास मोबाइल इन्टरनेटको रहेको छ ।
भदौसम्म मोबाइल इन्टरनेटको हिस्सा कूल प्रयोगको ८२ दशमलव ५५ प्रतिशत छ ।
१ करोड २६ लाख ४८ हजार बढीको पहुँचमा थ्रिजी इन्टरनेट पुगेको छ ।
त्यसमा सबैभन्दा धेरै नेपाल टेलिकमको १करोड २ लाख र एनसेलको २४ लाख ३५ हजार रहेको जनाइएको छ ।
पछिल्लो समय नेपालमा फोरजीका प्रयोगकर्ता बढ्दै गएको प्राधिकरणले सार्वजनिक गरेको तथ्याङ्मा उल्लेख छ ।
प्रकाशित:
Monday, November 01, 2021 | 18:53:00 सोमबार, १५ कार्तिक, २०७८
