काठमाडौं–नेपालमा आज (आइतबार) दिनभर कोरोना भाइरस संक्रमित भएर ६ जनाको मृत्यु भएको छ, भने ३९१ जनामा कोरोना संक्रमण पुष्टि भएको छ ।
स्वास्थ्य मन्त्रालयका अनुसार देशभर ६ हजार ९६६ जनाको पीसीआर परीक्षण गर्दा ३८५ र १ हजार ११ जनाको एन्टिजेन परीक्षण गर्दा ६ जनामा कोरोना पुष्टि भएको हो ।
त्यस्तै, गत २४ घण्टामा कोरोनाका कारण थप ६ जनाको मृत्यु भएको छ । योसँगै नेपालमा हालसम्म ११ हजार २८४ जनाको कोरोनाका कारण मृत्यु भएको छ ।
पछिल्लो २४ घण्टामा ६८० कोरोना संक्रमित कोरोनामुक्त भएका छन् । देशभर हाल १२ हजार २ सय ९७ सक्रिय संक्रमित रहेका छन् ।
प्रकाशित:
Sunday, October 17, 2021 | 17:15:00 आइतबार, ३१ असोज, २०७८
