धनगढी - दशैँको टीका लगाउन आफन्तकोमा गएका बेला प्रधानमन्त्री शेरबहादुर देउवाका भाइ भरतबहादुर देउवाको घरमा चोरी भएको छ ।
धनगढी उपमहानगरपालिका-२ सन्तोसीटोलका स्थानीय भरतबहादुर देउवाको घरमा शुक्रबार दिउँसो दशैँको टीका लगाउन आफन्तकोमा गएका बेला सुनका गरगहना र नगद चोरी भएको हो ।
प्रधानमन्त्री शेरबहादुर देउवाका सहोदर भाइ समेत रहेका भरतबहादुरकाे परिवार सन्तोसीटोलमै रहेको आफन्तको घरमा टीका लगाउन गएको समयमा चोरी भएको प्रहरीले जनाएकाे छ ।
चार हजार नगदसहित करीब तीन तोला सुन र तीन तोला चाँदी चोरी भएको र विस्तृत विवरण प्राप्त भइनसकेको प्रहरीले जानाएको छ ।
प्रकाशित:
Friday, October 15, 2021 | 16:52:00 शुक्रबार, २९ असोज, २०७८
