काठमाडौं - बुधबार देशभर ५ हजार ५ सय ९४ जनामा कोरोना परीक्षण गरिएको छ ।
जसमध्ये ३ सय ६५ जनामा कोरोना संक्रमण पुष्टि भएको छ ।
परीक्षण गरिएका मध्ये ३ हजार ६ सय ७१ वटा नमुनाको पिसिआर र १ हजार ९ सय २३ वटा नमुनाको एन्टिजेन विधिबाट बुधबार परीक्षण गरिएको हो
पिसिआर परीक्षणबाट ३ सय २६ र एन्टिजेन परीक्षणबाट ३९ जनामा कोरोना संक्रमण पुष्टि भएको हो ।
त्यस्तै, बुधबार ६ सय ९ जना संक्रमणमुक्त भएका छन् ।
कोरोना संक्रमणबाट बुधबार देशभर ४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार कोरोना संक्रमणबाट निको भएको दर ९६ दशमलव ८ प्रतिशत छ ।
योसँगै कोरोना संक्रमणबाट मृत्यु हुनेको संख्या ११ हजार २ सय ६१ पुगेको छ ।
देशभर ४ सय २२ जना कोरोनाका गम्भीर बिरामी मध्ये ३ सय १५ जनाको आईसियू र १ सय ७ जनाकोे भेन्टिलेटरमा उपचार भैरहेको छ ।
त्यसबाहेक देशभरका होम आइसोलेसनमा १३ हजार १ सय ७२ र संस्थागत आइसोलेसनमा १ हजार ९५ जना सक्रिय संक्रमितले उपचार गराइरहेको मन्त्रालयले जनाएको छ ।
त्यस्तै, २ सय ३२ जना क्वारेन्टाइनमा छन् ।
त्यस्तै, बुधबार देशभर २ हजार २ सय ७५ जनाले कोरोना विरुद्धको खोप लगाएका छन् ।
प्रकाशित:
Wednesday, October 13, 2021 | 20:19:00 बुधबार, २७ असोज, २०७८
2021-10-04-07-05-09.jpeg)
