एजेन्सी– बलिउड अभिनेता अक्षय कुमारको फिल्म ‘बेल बटम’ ले ५० करोड ग्रस कलेक्सन गरेको छ । गत १९ अगस्टमा प्रदर्शन भएको फिल्मले प्रदशर्नको महिना दिनसम्ममा ५० करोड कमाइ गरेको हो ।
‘बेल बटम’ ले कोरोना माहामारी पछि हलमा प्रदर्शन भएका फिल्ममध्ये सर्वाधिक कमाई गर्ने फिल्मको रेकर्ड बनाएको छ । भारतीय सञ्चारमाध्यमका अनुसार फिल्मले एक महिनामा घरेलु बक्सअफिसमा ३० करोड कमाएको छ भने विदेशमा २० करोड कमाई गरेको छ ।
फिल्मलाई रञ्जीत एम तिवारीले निर्देशन गरेका हुन् । फिल्ममा अक्षयका अलावा वाणी कपूर, हुमा कुरैशी, आदिल हुसेन र लारा दत्ताको पनि अभिनय रहेको छ । फिल्ममा लाराले भारतकी पूर्व प्रधानमन्त्री इन्दिरा गान्धीको भूमिका निर्वाह गरेकी छन् ।
प्रकाशित:
Tuesday, September 21, 2021 | 16:46:00 मंगलबार, ५ असोज, २०७८
