एजेन्सी– एप्पलले कम्पनीले आइफोन १३ सार्वजनिक गरेको छ । कम्पनीले आइफोन १३ सँगै आइफोन मिनी पनि सार्वजनिक गरेको छ ।
आइफोन १३ ६.१ इन्चको रहेको छ भने आइफोन मिनी ५.४ इन्चको रहेको कम्पनीले जनाएको छ । यी आइफोनमा दुई वटा क्यामेरा रहेका छन् । यी दुवैमा ए १५ बायोनिक चिप र १२ मेगापिक्सेलको क्यामरा रहेको छ।
एप्पलका अनुसार आइफोन १३ को ब्याट्री आइफोन १२ को भन्दा साढे दुई घन्टा बढी टिक्ने छ । यी दुवैले फाइभ जी नेटवर्क पनि सपोर्ट गर्नेछन् ।
साथै सार्वजनिक भएको उक्त आइफोन १३ को स्टोरेज अहिलेसम्मकै बढी हुने भएको छ । आइफोन १३ प्रोको स्टोरेज १ टेराबाइट हुने भएको बताएको छ ।यही फोन १२८ जीबी, २५६ जीबी र ५ सय १२ जीबीमा उपलब्ध हुने भएको छ ।
आइफोन १३ को हकमा एप्पलले आइफोन १२ को डिजाइनमा कुनै परिवर्तन गरेको छैन। सुरुवाती चरणमा अष्ट्रेलिया, क्यानडा, चीन, जर्मनी, भारत, जापान, बेलायत, अमेरिका, र ३० भन्दा बढी अन्य देशमा यो फोन उपलब्ध हुने एप्पलले जनाएको छ । आइफोन १३को प्रारम्भिक मूल्य ८ सय ९९ अमेरिकी डलर ( १ लाख ९ हजार नेपाली रुपैयाँ) रहेको छ भने आइफोन मिनिको प्रारम्भिक मूल्य ७ सय ९९ अमेरिकी डलर (९७ हजार नेपाली रुपैयाँ) को हाराहारीमा रहेको छ ।
प्रकाशित:
Wednesday, September 15, 2021 | 13:10:00 बुधबार, ३० भदौ, २०७८
